51. þing ÍBH 2019

Verður haldið laugardaginn 11. maí nk. Þingið er haldið í Hásölum safnaðarheimili Hafnarfjarðarkirkju og hefst kl. 9.00. Áætluð lok eru kl. 15.00. Allar upplýsingar um þingið eru efst á heimasíðunni. Að loknu þingi kl. 15.15 er móttaka bæjarstjórnar Hafnarfjarðar í Hafnarborg fyrir þingfulltrúa.

Hjólað í vinnuna 2019

Við minnum á að nú styttist í að vinnustaðakeppnin Hjólað í vinnuna 2019 hefjist í sautjánda sinn en að þessu sinni fer keppnin fram frá 8. - 28. maí.

Opnað hefur verið fyrir skráningar og við hvetjum alla til að skrá sig strax til leiks

Meginmarkmið Hjólað í vinnuna er eins og ávalt að vekja athygli á virkum ferðamáta sem heilsusamlegum, hagkvæmum og umhverfisvænum samgöngumáta. 

Hjólað í vinnuna 2019 hefst 8. maí

Nú styttist í að vinnustaðakeppnin Hjólað í vinnuna 2019 hefjist í sautjánda sinn en að þessu sinni fer keppnin fram frá 8. - 28. maí.

Opnað verður fyrir skráningu þann 24. apríl og við hvetjum alla til að skrá sig strax til leiks

Siðareglur og hegðunarviðmið ÍSÍ

Ágætu sambandsaðilar,

Framkvæmdastjórn Íþrótta-og Ólympíusamband Íslands hefur samþykkt hegðunarviðmið sem hafa verið í endurskoðun hjá Þróunar- og fræðslusviði ÍSÍ. Hegðunarviðmiðin eru stuðningsskjal við siðareglur ÍSÍ, til leiðbeiningar fyrir alla aðila innan íþróttahreyfingarinnar.

Hegðunarviðmiðin eru fjórskipt;

Íþrótta- og Ólympíusamband Íslands minnir á að Lífshlaupið 2019 hefst 6. febrúar

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlugserfiða hreyfingu í minnst 30 mínútur daglega.

Lífshlaupið skiptist í fjóra keppnisflokka:

Drög að verklagsreglum vegna Óháðs fagráðs í Hafnarfirði

Vekjum athygli á drögum að verklagsreglum vegna Óháðs fagráðs í Hafnarfirði, má lesa nánar hér. Ráðið ætlar síðan að þróa verklagsreglurnar nánar í ljósi reynslunnar. Nánari upplýsingar má einnig sjá á heimasíðu ÍBH undir viðbragðsteymi ÍBH, efst á síðunni.

Valdimar Hjalti á EM U-18 og ÓL ungmenna U-18 í frjálsíþróttum

Valdimar Hjalti Erlendsson frjálsíþróttamaður úr Fimleikafélagi Hafnarfjarðar tók þátt í Evrópumeistaramóti U-18 í Györ í Ungverjalandi dagana 5. – 8. júlí 2018. Valdimar Hjalti keppti í kringlukasti með 1.5 kg kringlu og kastaði 52.12 m sem var hans besti árangur á árinu og varð hann í 11. sæti á mótinu. Dagana 11. – 16. október 2018 keppti hann á Ólympíuleikum ungmenna U-18 í Buenos Aires í Argentínu í kringlukasti með 1.5 kg kringlu og kastaði henni 57.46 m, varð í 6.

Anton Sveinn, Dadó og Ingibjörg á HM í sundi

Heimsmeistaramót í sundi á 25m braut fór fram dagana 11. – 16. desember 2018 í Hangzhou í Kína. Sundfólkið Anton Sveinn McKee, Dadó Fenrir Jasmínuson og Ingibjörg Kristín Jónsdóttir úr Sundfélagi Hafnarfjarðar tóku þátt í mótinu og náðu ágætum árangri. Anton keppti í þremur greinum á mótinu,100m bringusundi 16. sæti á tímanum 57.94 sek., 200m bringusundi 10. sæti á tímanum 2.04.37 mín. sem er Íslandsmet og 50m bringusundi 21. sæti á tímanum 26.74 sek. sem er Íslandsmet.

Axel á Meistaramóti Evrópu

Mótið fór fram á Gleneagles í Skotlandi dagana 8. – 12. ágúst 2018. Ísland varð í 2. sæti á Meistaramóti Evrópu í karlaflokki, liðið mynduðu þeir Birgir Leifur Hafþórsson GKG og Axel Bóasson GK. Þeir töpuðu úrslitaleik á 18. holu fyrir Spánverjum og unnu silfurverðlaun á mótinu.

Hafnarfjarðarbær og ÍBH undirrita samninga

Þriðjudaginn 15. janúar sl. voru tveir samningar milli Hafnarfjarðarbæjar og Íþróttabandalags Hafnarfjarðar undirritaðir. ÍBH er regnhlífasamtök allra íþróttafélaga í Hafnarfirði með milli 15-16 þúsund iðkendur og er því stærsta fjöldahreyfing í Hafnarfirði og öflugur vettvangur fyrir íþróttaiðkun, uppeldi og heilsueflingu.

Þjónustusamningur