Ársreikningar, félaga- og iðkendatal aðildarfélaga ÍBH starfsárið 2016 samkvæmt starfsskýrslu ÍSÍ 2017

Íþróttabandalag Hafnarfjarðar tekur árlega saman skýrslu úr Felix félagakerfi ÍSÍ. Iðkanir eru samtals 13.365, 61,26% eru karlar, 38,74% konur. Fimleikafélag Hafnarfjarðar er með flestar iðkanir eða 3099. Flestir iðka knattspyrnu eða 2197. Iðkendur eru í fyrsta skipti flokkaðir í 17 ára og yngri og 18 ára og eldri. Hægt er að skoða skýrsluna nánar hér.

Breytingar á reglugerð Afreksmannasjóðs ÍBH frá 1. janúar 2018

Helstu breytingarnar eru þær að afreksstyrkir fullorðinna lækka úr kr. 150.000 í kr. 70.000 á verkefni og hver einstaklingur getur að hámarki sótt um þrjú verkefni á ári. Afreksstyrkir unglinga og ungmenna hækka úr kr. 60.000 á verkefni í kr. 70.000 á verkefni og hver einstaklingur getur að hámarki sótt um þrjú verkefni á ári. Afreksstyrkir EM félagsliða og allir ferðastyrkir verða óbreyttir. Líkamsræktarstyrkir fyrir unga og efnilega íþróttamenn verða lagðir af. Breytt reglugerð Afreksmannasjóðs ÍBH tók gildi frá og með 1.

Fjölþætt heilsurækt í Hafnarfirði - kynningarefni

Hér er að finna auglýsingu vegna kynningarfundarins sem haldinn verður fimmtudaginn 25. janúar vegna heilsueflingu fyrir eldri aldurshópa í Hafnarfirði. 
 
Heimasíðan okkar er www.heilsuefling.is 
LInkur inná Facebook síðuna er: https://www.facebook.com/janusheilsuefling/  

Yfirlýsing frá Íþrótta- og Ólympíusambandi Íslands

Íþrótta- og Ólympíusamband Íslands (ÍSÍ) harmar mjög að einstaklingar innan vébanda þess hafi þurft að þola ofbeldi í tengslum við íþróttastarf. ÍSÍ fordæmir með öllu allt ofbeldi í starfsemi íþróttahreyfingarinnar enda er slík hegðun óásættanleg og ólíðandi.
Umræðan sem fram hefur farið um allan heim undir merkinu #metoo hefur beint athyglinni að víðfeðmu ofbeldi gagnvart konum um allan heim og þá oft í krafti valds eða stöðu þess sem því beitir.

Lífshlaupið 2018 hefst 31. janúar

Íþrótta- og Ólympíusamband Íslands minnir á að Lífshlaupið 2018 hefst 31. janúar.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlugserfiða hreyfingu í minnst 30 mínútur daglega.

Íþrótta- og viðurkenningarhátíð Hafnarfjarðarbæjar 2017

Fór fram miðvikudaginn 27. desember sl. í Íþróttahúsinu við Strandgötu að viðstöddu fjölmenni. Alls voru 429 Íslandsmeistarar heiðraðir. Frjálsíþróttadeild FH átti 114 Íslandsmeistara, sunddeild SH átti 65 Íslandsmeistara og handknattleiksdeild Hauka átti 45 Íslandsmeistara, önnur félög og deildir áttu færri Íslandsmeistara 2017.

Undirritun samnings um eflingu íþróttastarfs yngri iðkenda í Hafnarfirði

Hafnarfjarðarbær, Íþróttabandalag Hafnarfjarðar og Rio Tinto á Íslandi hf undirrituðu miðvikudaginn 27. desember sl. á íþrótta- og viðurkenningarhátíð Hafnarfjarðarbæjar samning um eflingu íþróttastarfs yngri en 18 ára iðkenda íþróttafélaganna í Hafnarfirði og er þetta sjötti samningurinn sem þessir aðilar gera um eflingu íþróttastarfs yngri iðkenda í Hafnarfirði. Samningurinn gildir frá 1. janúar 2017 og út árið 2019. Árið 2017 greiðir hvor aðili kr. 9.000.000 á ári.

ÍSÍ bikarinn 2017

Frjálsíþróttadeild FH hlýtur ÍSÍ bikarinn 2017. Bikarinn er afhendur því félagi eða íþróttadeild sem skarar framúr í félagslegri uppbyggingu og íþróttalegum árangri. Með nýju innanhúss mannvirki í Kaplakrika hefur iðkendum í öllum aldurshópum beggja kynja fjölgað jafnt og þétt. Íþróttadeildin á flesta Íslandsmeistaratitla í Hafnarfirði 2017 og koma þeir úr öllum aldurshópum beggja kynja.

Afrekslið Hafnarfjarðar 2017

Afrekslið Hafnarfjarðar 2017 er meistaraflokkur karla í handknattleik hjá Fimleikafélagi Hafnarfjarðar. Liðið komst í úrslitakeppni fjögurra liða í bikarkeppninni og í úrslitaleik á Íslandsmótinu þar sem liðið endaði í öðru sæti. Liðið tók einnig þátt í Evrópukeppni félagsliða og spilaði 3 umferðir sem gengu vel og voru æsispennandi. Liðið tapaði á útivallarreglu í 3 umferðinni og rétt missti af riðlakeppni Evrópukeppninnar.

Arna Stefanía og Róbert Ísak íþróttafólk Hafnarfjarðar 2017

Á íþrótta- og viðurkenningarhátíð Hafnarfjarðarbæjar sem fór fram í Íþróttahúsinu við Strandgötu miðvikudaginn 27. desember sl. voru Róbert Ísak Jónsson sundmaður úr Íþróttafélaginu Firði og Arna Stefanía Guðmundsdóttir frjálsíþróttakona úr Fimleikafélagi Hafnarfjarðar kjörin íþróttafólk Hafnarfjarðar 2017. Myndin sýnir Róbert Ísak, Örnu Stefaníu og Karólínu Helgu Símonardóttur formann íþrótta- og tómstundanefndar Hafnarfjarðarbæjar.