Þriðjudaginn 5. apríl sl. kynnti Elías Atlason starfsmaður ÍSÍ nýtt starfsskýrsluskilakerfi ÍSÍ og UMFÍ. Kynningin fór fram í félagssal Sundfélags Hafnarfjarðar í Ásvallalaug. ÍSÍ og UMFÍ eru að hætta með starfsskýrsluskilakerfið Felix. Nýja starfsskýrsluskilakerfið er í Sportabler sem mörg íþróttafélög eru farin að nota við skráningar til greiðslu á æfingagjöldum þar sem forráðamenn geta m.a. notað frístundastyrk sveitarfélagsins til greiðslu æfingagjalda.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.

Nýr samningur frá 2022 – 2024 milli Íþróttabandalagsins í Hafnarfirði (ÍBH), Rio Tinto og Hafnarfjarðarbæjar og úthlutun styrkja fyrir yngri en 18 ára iðkendur voru kynnt á rafrænni Íþrótta- og viðurkenningarhátíð Hafnarfjarðarbæjar á samfélagsmiðlum Hafnarfjarðar þriðjudaginn 28. desember sl.

Sundfélag Hafnarfjarðar hlýtur ÍSÍ bikarinn 2021. Markvisst öflugt starf með vel menntuðum og reynslumiklum þjálfurum leiddi til góðs árangurs frá börnum til garpa á árinu. Félagið bauð upp á mikinn fjölda fjölbreyttra námskeiða á árinu og hefur tekist að fjölga iðkendum jafnt og þétt undanfarin ár. Félagið eignaðist 31 Íslandsmeistara í barna-, unglinga- og fullorðinsflokkum og 19 Íslandsmeistara í flokki garpa 2021.

Árleg Íþrótta- og viðurkenningarhátíð Hafnarfjarðarbæjar fór fram þriðjudaginn 28. desember 2021. Hátíðin fór fram í streymi á miðlum Hafnarfjarðarbæjar vegna samkomutakmarkanna. Guðrún Brá Björgvinsdóttir kylfingur úr Golfklúbbnum Keili var kjörin íþróttakona Hafnarfjarðar og Róbert Ísak Jónsson sundmaður úr Íþróttafélaginu Firði var kjörinn íþróttakarl Hafnarfjarðar.

Undanfarnar vikur hafa verið í gangi kynningar á starfi samskiptaráðgjafa íþrótta- og æskulýðsstarfs og fór síðasti fundurinn í kynningarröðinni fram í Kaplakrika miðvikudaginn 24. nóvember sl. Mikilvægt er að allir sem koma að íþróttastarfi kynni sér hvaða þjónustu samskiptaráðgjafinn veitir. Hægt er að horfa á kynninguna m.a.

Stofnþing Klifursambands Íslands var haldið í Íþróttamiðstöðinni í Laugardal 27. september 2021. Með stofnun þessa nýja sérsambands eru sérsambönd ÍSÍ orðin 34 talsins. Sex íþróttahéruð og sex íþróttafélög áttu þingfulltrúa á þinginu.

Fimleikafélagið Björk, klifurdeild Björk og Íþróttabandalag Hafnarfjarðar eru stofnaðilar sambandsins. 

Fór fram fimmtudaginn 11. nóvember sl. í Hásölum safnaðarheimili Hafnarfjarðarkirkju. Þinginu hafði verið frestað frá því á vormánuðum vegna kórónuveirufaraldursins. Góð mæting var á þingið og tóku 72 fulltrúar þátt í þinginu auk gesta. Hrafnkell Marinósson formaður ÍBH setti þingið í gegnum Teams.

Íþrótta- og Ólympíusamband Íslands (ÍSÍ) í samstarfi við Sundsamband Íslands stendur fyrir landsátaki í sundi frá 1. til 28. nóvember 2021. Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess.

Frá Lárusi Blöndal, forseta ÍSÍ: