Í vetur leigir ÍBH út tíma í íþróttasölum til almenningshópa eins og undanfarin ár. Nánari upplýsingar um lausa tíma er að finna vinstra megin á heimasíðunni undir tímar í útleigu. Skjalið er uppfært um leið og einhver breyting verður á.

Í dag tóku fulltrúar hafnfirskra íþróttafélaga á móti styrkjum frá Rio Tinto Alcan á Íslandi hf og Hafnarfjarðarbæ fyrir 16 ára og yngri iðkendur félaganna við athöfn í Straumsvík. Úthlutað var samtals 10,8 milljónum króna sem samkvæmt ákvæðum samnings skiptast á þau 11 íþróttafélög sem sóttu um stuðning fyrir barna- og unglingastarfið í sínu félagi. Eftirtalin íþróttafélög hlutu styrk: Knattspyrnufélagið Haukar samtals kr. 2.592.385, Fimleikafélag Hafnarfjarðar (FH) samtals kr.

Sextándu Smáþjóðaleikarnir  fóru fram frá 1. – 6. júní sl og voru haldnir að mestu leyti í Laugardalnum í Reykjavík. Íslenskir keppendur voru 168 og þjálfarar / fylgdarlið 64.

Íslendingar urðu efstir á verðlaunatöflunni eftir keppni á Smáþjóðaleikunum 2015. Ísland tryggði sér 115 verðlaun, þar af 38 gull, 46 silfur og 31 brons.

16. Smáþjóðaleikarnir eru haldnir í Reykjavík dagana 1. – 6. júní og eru þeir haldnir í annað sinn á Íslandi í 30 ára sögu leikanna. Keppnisgreinar eru skotíþróttir, sund, golf, borðtennis, tennis, blak, frjálsar íþróttir, fimleikar, júdó, körfuknattleikur og strandblak. Keppendur eru um 706, en með þjálfurum og fylgdarlið eru þetta 1200 manns. Setningarathöfn leikanna fór fram í gær mánudag í Laugardalshöll og var stýrt af Þóru Arnórsdóttur fréttakonu með glæsibrag.

49. þing ÍBH fór fram laugardaginn 25. apríl sl. og var 70 ára afmælisþing. Samþykktir þingsins hafa verið teknar saman í þinggerð sem er hægt að finna á heimasíðunni undir flipanum 49. þing ÍBH 2015 efst á síðunni.

49. þing Íþróttabandalags Hafnarfjarðar var haldið laugardaginn 25. apríl sl í félagssal Sundfélags Hafnarfjarðar í Ásvallalaug. Þingið var sett kl. 10.00 af formanni ÍBH Hrafnkeli Marinóssyni og voru 61 fulltrúar aðildarfélaga ÍBH mættir á þingið og tóku þátt í þingstörfum. Jón A. Marinósson var kosinn fyrsti þingforseti og Guðmundur Haraldsson fyrsti ritari þingsins.

Í dag úthlutaði stjórn Afreksmannasjóðs ÍBH styrkjum til aðildarfélaga ÍBH vegna stórmóta á árinu 2014. Kallað var eftir umsóknum frá félögunum  vegna þátttöku í stórmótum og var umsóknarfresturinn 12. desember 2014. 25 verkefni frá 9 íþróttadeildum 8 íþróttafélaga voru metin styrkhæf. Samtals var úthlutað kr. 2.730.000 til þeirra.

Íþrótta- og viðurkenningarhátíð Hafnarfjarðarbæjar fór fram í dag í Íþróttahúsinu við Strandgötu að viðstöddu fjölmenni. Veittar voru viðurkenningar til einstaklinga sem urðu Íslandsmeistarar með hafnfirskum íþróttafélögum á árinu 2014. Í ár voru það samtals 376 einstaklingar úr 22 íþróttagreinum frá 13 íþróttafélögum af 17 innan ÍBH.

Íþrótta- og viðurkenningarhátíð Hafnarfjarðarbæjar verður  haldinn þriðjudaginn 30. desember nk og hefst kl. 18.00 í Íþróttahúsinu við Strandgötu. Veittar verða viðurkenningar til Íslandsmeistara, bikarmeistara og vegna sérstakra afreka. ÍSÍ bikarinn verður afhendur. Íþróttafélög fá viðurkenningarstyrki vegna Íslands- eða bikarmeistaratitla í efsta flokki. Íþróttastarfið 16 ára og yngri fær styrki vegna þjálfaramenntunar og námskráa. Íþróttalið Hafnarfjarðar 2014 verður krýnt og að lokum verða Íþróttakarl og Íþróttakona Hafnarfjarðar krýnd.

Föstudaginn 21. nóvember gerði Íþróttabandalag Hafnarfjarðar samning við Jóhann Guðna Reynisson um ritun sögu ÍBH frá stofnun bandalagsins 28. apríl 1945 og að 70 ára afmæli þess sem verður 28. apríl 2015. Sagan verður lesin inn á myndefni í tímaröð og er áætlað að hún verði tilbúin í byrjun október 2015. Myndin sýnir Jóhann Guðna Reynisson við undirritun samningsins.