Hákon Daði Styrmisson og Leonharð Þ. Harðarson handknattleiksmenn Haukum tóku þátt í Evrópumeistaramóti U20 í Danmörku dagana 26. júlí – 7. ágúst 2016. Fyrsti leikur Íslands var 28. júlí við Rússland og bar Ísland sigur af þeim 32:31. 29. júlí spilaði Ísland við Slóveníu og sigraði 31:30. 31.

Berta Rut Harðardóttir handknattleikskona Haukum tók þátt í Opna Evrópumótinu (European Open) sem er ígildi Evrópumeistaramóts fyrir U18 samkvæmt upplýsingum frá Handknattleikssambandi Íslands. Mótið fór fram 4. – 8. júlí 2016 í Gautaborg Svíþjóð. 4. júlí spilaði íslenska liðið við Rúmeníu og tapaði 12:16. Sama dag var leikið við Svartfjallaland og sigraði Ísland 9:15. 5. júlí spilaði Ísland við Sviss og tapaði 12:14.

Lið meistaraflokks karla í knattspyrnu hjá FH tók þátt í forkeppni meistaradeildar Evrópu. Fyrri leikurinn var leikinn 13. júlí við írska liðið Dundalk á Íralandi og fór hann 1:1. Seinni leikurinn var leikinn í Kaplakrika 20. júlí og endaði hann 2:2. Dundalk komst áfram á fleiri mörkum skoruðum á útivelli. Afreksmannasjóður ÍBH veitti liðinu styrk að upphæð kr. 800.000 vegna þátttöku í verkefninu.

Þórdís Eva Steinsdóttir FH tók þátt í heimsmeistaramóti 19 ára og yngri í frjálsíþróttum dagana 19. – 24. júlí 2016. Mótið var haldið í Bydgoszcz í Póllandi og keppti hún í 400m hlaupi. 19. júlí hljóp hún riðlakeppnina og var á tímanum 56,06 sek og endaði í 35. sæti á mótinu. Afreksmannasjóður ÍBH veitti henni afreksstyrk að upphæð kr. 60.000 vegna þátttöku á mótinu. Íþróttabandalag Hafnarfjarðar óskar henni til hamingju með frammistöðuna.

Mímir Sigurðsson FH keppti í kringlukasti á Evrópumeistaramóti 16 – 17 ára í frjálsíþróttum sem var haldið 14. – 17. júlí 2016 í Tblisi í Georgíu. Mímir keppti 16. júlí og kastaði hann kringlu sem var 1,5 kg 46,32m og varð í 27. sæti á mótinu. Afreksmannasjóður ÍBH veitti Mími afreksstyrk að upphæð kr. 60.000 vegna þátttöku á mótinu. Íþróttabandalag Hafnarfjarðar óskar honum til hamingju með árangurinn. Myndin sýnir Mími í keppni.

Þórdís Eva Steinsdóttir FH keppti í 400m hlaupi á Evrópumeistaramóti 16 – 17 ára í frjálsíþróttum sem fór fram dagana 14. – 17. júlí 2016 í Tblisi í Georgíu. Þórdís Eva hljóp riðlakeppnina 14. júlí á tímanum 56,01 sek, undanriðlana hljóp hún 15. júlí á tímanum 56,0 sek og úrslitahlaupið hljóp hún 16. júlí á tímanum 55,68 sek og endaði í 5. sæti á mótinu sem er stórglæsilegur árangur fyrir stúlku á yngra ári. Afreksmannasjóður ÍBH veitti henni kr.

Sindri Guðlaugsson og Sóley Ósk Hilmarsdóttir Dansíþróttafélagi Hafnarfjarðar fóru á heimsmeistaramót ungmenna í standard dönsum sem var haldið 9. júlí 2016 í Kitakyushu í Japan. 62 pör hófu keppni og enduðu Sindri og Sóley Ósk í 48. sæti í keppninni. Afreksmannasjóður Íþróttabandalags Hafnarfjarðar veitti þeim afreksstyrk að upphæð kr. 60.000 á einstakling í verkefnið.

Arna Stefanía Guðmundsdóttir frjálsíþróttakona úr FH keppti á Evrópumeistaramótinu í frjálsíþróttum í kvennaflokki sem fór fram dagana 6. – 10. júlí 2016 í Amsterdam í Hollandi. 8. júlí hljóp Arna Stefanía riðlakeppni í 400m grindahlaupi á tímanum 57,14 sek sem var persónuleg bæting hjá henni og Íslandsmet í flokki stúlkna 22 ára. 9. júlí hljóp hún undanúrslit  í 400m grindahlaupi á tímanum 57,24 sek og varð í 18. sæti á mótinu.

Nikita Bazev og Hanna Rún Óladóttir Dansíþróttafélagi Hafnarfjarðar tóku þátt í Evrópumeistaramótinu í latín dönsum í flokki fullorðinna sem var haldið í Rimini á Ítalíu 9. júlí 2016. 71 par hóf mótið og dönsuðu þau Hanna Rún og Nikita af miklu öryggi og krafti og enduðu í 16. sæti mótsins sem er mjög góður árangur. Afreksmannasjóður Íþróttabandalags Hafnarfjarðar veitti þeim afreksstyrk til þátttöku á mótinu að upphæð kr.

19. Unglingalandsmót UMFÍ var haldið um verslunarmannahelgina frá fimmtudeginum 28. júlí til mánudagsins 1. ágúst. Setning mótsins fór fram föstudagskvöldið 29. júlí á íþróttavellinum í Borgarnesi að viðstöddu fjölmenni.